Ljósmyndaþema júnímánaðar - tími

Þá hafið þið það, um að gera að skjóta villt og galið :) Hlakka til að sjá hvað þið verðið frjóar.................... auðvitað verða verðlaun í boði sem afhendast úti í Kraká.

Sendi sjálf mynd sem ég kalla: Æviskeið fífilsins. Hugmyndin er útfærð frá hugmynd sem Valla fékk. Verst að ég kann ekki að photoshoppa nóg til að láta bakgrunninn vera svartan. Kannski ég vinni í því eftir helgi. Kveðja Linda.

Ljósmyndakeppni maímánuðar - skuggar

Þórey sendi inn þessa eðalmynd fyrir samkeppni mánaðarins. Ég veit ekki alveg hvort þetta er Sonartorrek eða ekki en það væri fróðlegt að vita það. Næstu tvær fyrir neðan eru frá mér, þá fyrri kalla ég artífartímyndina ;) og hin er tekin í bænum þegar sólin var að setjast á bakvið fjallgarðinn á Snæfellsnesi. Síðustu fjórar á Valla en þær eru teknar heima hjá henni.

Kraká, hitt og þetta

"Kraká, sem er um 750 þúsund manna borg í suðurhluta þessa stóra lands, heillar alla sem þangað koma. Hún var fyrr á öldum höfuðborg Póllands og því höfðu konungar þar aðsetur sitt og ber borgin þess ennþá merki, enda ótrúlega margar minjar frá þeim tímuum. Hæst ber Wawel-hæð þar sem bæði er kastali og dómkirkja. Þangað liggur konungaleiðin svonefnda frá miðborginni sem státar af fögrum byggingum, merkum minjum og söfnum við hvert fótmál. Í Kraká var Jóhannes Páll páfi II við nám og störf áður en hann flutti til Vatíkansins. Þar er einn elsti háskóli Mið-Evrópu en einnig gamla gyðingahverfið Kazimierz við Víslufljót sem geymir dapurlega sögu frá síðari heimsstyrjöldinni.
Kraká er best varðveitta borg Póllands og er stór hluti hennar á minjaskrá Sameinuðu þjóðanna. Í dag er Kraká afar líflegur og skemmtilegur bær, þar sem blandast saman menning Austur- og Vestur-Evrópu. Fjöldi veitingahúsa, bara, skemmtistaða og verslana er í borginni, ekki síst í kringum stóra markaðstorgið, Rynek Glówny, sem er nafli Kraká. "
Heimild: http://heimsferdir.is/afangastadir/borgarferdir/kraka/

Hér er önnur heimasíða með spennandi efni um Kraká:
http://is.wikipedia.org/wiki/Kraká


Og ein á nokkrum tungumálum:
http://www.krakow.pl/en/miasto/

Og hér er ein um saltnámurnar sem eru sagðar mjög áhugaverðar:
http://www.kopalnia.pl/home.php?action=&id_language=2&

Góða skemmtun, kveðja Linda.

Kraká 25. - 28. okt. 2007

Ég sé fyrir mér húsmæður. Allar með slæður, svuntur og 10 börn á brjósti. Uppskerutími gengur í garð. Hvað gerist?

Við erum villtar, trylltar og kolruglaðar. Yndislegar, samstæðar og óviðjafnanlegar. Hafið það hugfast kæru kerlingar :)

Jú þetta:

Ljósmyndakeppni aprílmánaðar - Vatn